Mwen monte desann anpil nan la vi m. Mwen fèt an Ayiti, mwen grandi an Ayiti, mwen ale lekòl an Ayiti kote m aprann soulaje soufrans moun ki malad. M janbe nan Etazini kote mwen plen tèt mwen ak koze lasians, apre mwen sèvi avè yo pou ansenye lekòl nan diferan nivo, timoun, granmoun etc ... Men nan tout sa m fè nan lavim, bay istwa toujou pran yon gran ròl. Mwen gen anpil anpil istwa nan tèt mwen m toujou anvi bay. Se pou sa m ekri ti liv sa a (Li pa gen anpil paj) ki rele Larivyè Bèten. Mwen ekri l tou an Angle. M swete ou pran anpil plezi lè w ap li liv sa a, menm jan mwen te pran anpil plezi lè m tap ekri l.