Əhalinin ərzaq məhsulları ilə təmin edilməsi dövlət üçün mühüm əhəmiyyət kəsb edən və həlli vacib olan sosial-iqtisadi problemlərdən biridir.Tədqiqatın məqsədi: Dissertasiya işinin əsas məqsədi Azərbaycan Respublikasında iqtisadi sistemin inkişafının təmin edilməsində ərzaq təhlükəsizliyinin təmin edilmə prioritetlərinin əhalinin həyatının ən vacib sosial şərti kimi həyata keçirilməsinin problemlərini öyrənməkdədir.İstifadə olunmuş tədqiqat metodları: Dissertasiya işinin yazılmasında sintez və analiz, eyni zamanda induksiya və deduksiya metodlarından istifadə edilmişdir. Tədqiqatın informasiya bazası: BMT-nin Kənd Təsərrüfatı Təşkilatı (FAO), Dünya Bankı (WB), İqtisadi İnkişaf və Əməkdaşlıq Təşkilatı (OECD), BMT (UNCTAD), Dünya Ticarət Təşkilatı (WTO) və Statistika Komitəsi, İqtisadiyyat və Sənaye Nazirliyi və Kənd Təsərrüfatı Nazirliyinin son dövr hesabat materialları təşkil edir.